Во пожарот во фабриката во тетовско изгореа можеби 100 тони бои, лакови и други хемикалии
![t](https://infomax.mk/wp-content/uploads/2023/11/pozar-tetovo-stojance-angelov.jpg)
Во фабриката во тетовско Фалише изгоре голема количина на бои, лакови и друг вид хемикалии.
Екипа на Центарот за јавно здравје препорачува граѓаните да останат дома и да не излегуваат без потреба бидејќи, како што информираат, согорувањето на вакви материи создава отровни и штетни гасови во воздухот.
„Во моментов имаме јаглен моноксид, јаглен диоксид, пожарникарите се изложени. Диоксини и фурани се опасни материи, штетни материи. Наша препорака е без потреба да не се биде на ова место и во радиус од два километри. Луѓето да бидат дома и да не излегуваат. Потоа ќе се испита водата и почвата“, изјави д-р Ратко Давидовски од Центарот за јавно здравје.
Директорот на ЦУК, Стојанче Ангелов, изјави дека од Одделот за биолошко и хемиско оружје во Армијата е побарано да се испита колкаво е загадувањето.
„Се работи за голема количина на бои и лакови, и други хемикалии. Зборував со сопственикот и се работи за голема количина можеби и 100 тона, не можат да утврдат колку точно колку средства имало во моментот. Стапивме во контакт и со Армијата од одделот за биолошко и хемиско оружје кои минатиопт пат кога имаше голем пожар ги искористивме за испитување на постоење на отрови во воздухот“ изјави Ангелов.
Пожарот избувнал утрото околу 10:30 часот. Во гаснењето на пожарот, покрај тетовските, учествуваа и пожарникари од Скопје, Гостивар, Велес и Куманово.
Огнот е ставен под контрола и според најавата, спречено е пожарот да се прошири на друг објект.
ПОВРЗАНИ ВЕСТИ
Триесетгодишен маж од Тетово обвинет за силување
Основното јавно обвинителство Тетово соопшти дека донело…
Левица: Касами заедно со коалициското трио ВЛЕН-ДПМНЕ-ЗНАМ…
Касами заедно со коалициското трио ВЛЕН-ДПМНЕ-ЗНАМ промивира…
Се пренасочува сообраќајот на патот Тетово –…
АМСМ информира дека регионалниот пат Тетово –…
Паднати бандери и дрвја, поплавени куќи и…
Регионалниот ЦУК Тетово, известува дека вчера во…
Претрес во Тетово, пронајдена дрога
На 22.06.2024, полициски службеници од Отсекот за…