Триесетгодишен маж од Тетово обвинет за силување

Основното јавно обвинителство Тетово соопшти дека донело наредба за спроведување истражна постапка против 30-годишник за кого постои основано сомнение дека сторил кривично дело – Полов напад и силување.

Како што стои во соопштението од ЈОРМ, во близина на бензинска пумпа на влезот од Тетово, на 30 јули во вечерните часови, осомничениот нападнал жена со која до неодамна бил во врска.

Ја следел додека од работа се враќала дома и започнал да ја влече на сила.

Под закана по нејзиниот живот, тој ја принудил на сексуални односи.

Поради опасност од бегство, можност за влијание врз оштетената и за повторување на делото, јавниот обвинител до судијата на претходна постапка од Основниот суд во Тетово поднесе предлог за определување мерка притвор за осомничениот.

Share on Facebook

Tweet

Follow us

Save