Во понеделник ќе се одлучува за замрзнување на цените на јајцата, шеќерот и оризот
![t](https://infomax.mk/wp-content/uploads/2022/11/market-pazaruvanje.jpg)
Задутре ќе се одлучува дали ќе се замрзнат цените на јајцата, шеќерот и оризот. Анализите за овие производи се готови и во понеделник ќе се разгледуваат на седница во Владата. Надлежните засега не откриваат дали и колкав простор постои за корекција на овие цени.
Граѓаните сметаат дека мерките се задоцнети. Велат дека растот на платите и пензиите не е доволен за да ги покријат високите трошоци. Очекуваат дополнително поевтинување и на другите основни продукти.
Од друга страна, пазарните инспектори и викендов проверуваат дали се почитува одлуката за замрзнати цени на лебот, тестенините и млечните производи. За два дена направиле над 250 конторли ширум државата. „Уловиле“ само 4 маркети.
„Еден економски субјект во Охрид за непочитување на одлуката на Владата за замрзнување на цената на лебот и три економски субјекти за непочитување на одлуката за намалување на цената на млечните производи и тестенините, од кои еден во Охрид, Кичево и Битола. Сумата за овие четири економски субјкети за кои се издадени платни налози е 1.120.000 денари“, изјави Горан Трајковски, директор на ДПИ.
Трајковски тврди дека инспекторатот нема надлежност да ги казни фирмите кои користеа субвенционирана струја и не ги намалија цените на производите, иако три месеца плаќаа петпати поевтина струја од берзанската.
Токму затоа Владата прво ја замрзна цената на лебот на 33 денари, а потоа ги намали цените на тестенините за 15%, а на млечните производи за 10. Ваквите цени ќе важат до крајот на мај.
ПОВРЗАНИ ВЕСТИ
Курсна листа: Еве колку чинат валутите денес
Според курсната листа на НБРМ средниот курс…
Нови цени на горивата од полноќ
Регулаторната комисија за енергетика, водни услуги и…
(Видео) Битиќи: Во најава е „Франкенштајн економија”, …
„Наместо фискална консолидација, имаме тотална фискална деструкција.…
Лукаревска: Не фали ниту денар во буџетот,…
Обвинувањата на ВМРО-ДПМНЕ дека од буџетот фалат…
ЕУ остварила суфицит од 9,7 милијарди евра…
Европскиот извоз во трети земји во мај…