Гаспром не дава доволно гас за Македонија: Скопјани можат да останат без парно греење од 1 јануари

t

На два дена пред почетокот на новата година, во тек е трескавична потрага по природен гас со кој ќе се обезбеди парното греење во Скопје. Доколку денеска не се најде решение, Скопје може да остане без парно греење, пренесува Дојче Веле.

Првиот ден од новата 2022 година за речиси 60 илјади скопјани може да биде многу студен. Корисниците на парно греење на компанијата БЕГ (Балкан Енерџи Груп) од 1 јануари можат да останат со студени грејни тела затоа што не е набавена потребната количина гас за следната година. Како што во моментот стојат работите, на помалку од 48 часа до истекот на годината, природен гас за потребите на корисниците во Скопје, не е набавен. Алтернативните опции се набавката да оди преку БЕГ, но оттаму потоа да им го наплаќаат парното греење на корисниците по далеку повисоки цени, или Владата да ја субвенционира набавката со најмалку 13 милиони евра и да нема покачување на цената. Од БЕГ најавија дека ќе одговорат на прашањата на ДВ на оваа тема во текот на денот. Од Владата велат дека преговорите се во тек.


Очекувањата биле дека „Макпетрол“ ќе ги набави потребните количини гас за следната година во договор со рускиот „Гаспром“, откако од БЕГ се пожалија дека немаат пари за набавка. Макпетрол во средата се пофали дека бил постигнат договор со рускиот енергетски гигант, и тоа по 30% пониска цена од берзанската, но притоа соопшти дека договорената квота не го опфаќа и БЕГ. Притоа, во изминатите години, набавката на гас за БЕГ одеше преку неговиот сопственик- АД ТЕ-ТО чија централа ја произведува топлинската енергија за Скопје и за поголемиот дел од државата, а фирмата се јавува и како трговец со гас.

Според последните информации, Макпетрол денеска повторно се вклучил во преговори со Гаспром за да се обезбедат дополнителни количини за потребите на БЕГ.

Според информации на Дојче веле, од Гаспром, за следната 2022 година, требало да се обезбедат околу 400 милиони кубни метри гас, колку што се потребите на индустриските капацитети и домашните потрошувачи во Македонија. Руската компанија, наводно, одобрила само 100 милиони кубни метри гас.

Извор: Дојче Веле

ПОВРЗАНИ ВЕСТИ

Мицкоски: Задоволен сум Арсовска, затекна лоша состојба…

Претседателот на ВМРО-ДПМНЕ во гостувањето во емисијата…

„Градски паркинг“ ги намали цените за паркирање…

Управниот одбор на јавното претпријатие „Градски Паркинг“…

Костовски го назначи познатиот фудбалер за советник…

Градоначалникот на општина Бутел, Дарко Косотовски, порачува…

Средба Ѓорѓиевски-Арсовска: Сега имаме можност да ги…

Денес се одржа координативен состанок со градоначалничката…

Арсовска и Ѓорѓиевски на координативен состанок со…

Заедно со градоначалникот на Општина Кисела Вода,…