Објавено на:

Да се биде или не: Ако падне Бахмут ќе мора да преговараме, вели Зеленски

t

Претседателот на Украина, Володимир Зеленски изјави дека загубата на Бахмут ќе биде политички пораз за Киев и ќе влијае на моралот на украинските војници, што може да доведе до општ пораз на Украина во овој конфликт.

„Загубата на Бахмут не само што ќе значи политички пораз, туку може да доведе до наш општ пораз. Потоа, ќе има притисок и од народот и од меѓународната заедница да се направи компромис со Русија“, рече тој во интервјуто за „ Асошиетед прес“.

Според него, тоа ќе се случи бидејќи Украинците ќе бидат уморни, а секој пораз во оваа фаза од конфликтот може да го поткопа моралот на украинските војници.

„Ова е повеќе политички отколку тактички пораз за нас“, рече тој, пиејќи чај во возот на државната железница.

„Нашето општество ќе се чувствува уморно. Нашето општество ќе ме охрабри на компромис со нив (Русија)“, рече Зеленски, истакнувајќи дека се уште не почувствувал таков притисок.

Американската агенција наведува дека коментарите на Зеленски биле признание дека губењето на битката за Артјомовск „би било повеќе скап политички пораз отколку тактички пораз“.

Зеленски истакна дека е крајно свесен оти сиот успех на неговата земја е благодарение на меѓународната воена поддршка, особено од САД и Западна Европа, и додаде дека е загрижен оти промената на политичките сили во Вашингтон може да влијае на војната.

„САД навистина разбираат дека ако престанат да ни помагаат, нема да победиме“, рече тој, пренесе RT.

Потсетете се дека многумина во Соединетите Држави – вклучително и републиканецот Доналд Трамп, поранешниот американски претседател и актуелен кандидат за 2024 година – се прашуваа дали Вашингтон треба да продолжи да испраќа милијарди долари воена помош за Украина. Републиканскиот ривал на Трамп, гувернерот на Флорида, Рон Де Сантис, исто така сугерираше дека одбраната на Украина во „територијалниот спор со Русија не е значаен приоритет на националната безбедност на САД“.

ПОВРЗАНИ ВЕСТИ

Трамп му вети на Зеленски дека ќе…

Поранешниот американски претседател Доналд Трамп синоќа во…

Мицкоски се сретна со Зеленски во Лондон:…

Премиерот Мицкоски во Лондон се сретна со…

(Фото) Ова е хеликоптерот што Србија ни…

Припадниците на хеликоптерската единица и Министерството за…

Венс: Ако победи Трамп ќе преговара со…

Доколку Доналд Трамп победи на изборите, ќе…

Кремљ ги засили мерките за безбедност на…

Безбедноста на претседателот на Русија, Владимир Путин,…