ЕУ: Украина има законко право да се брани

Портпаролот на Европската унија, Петер Стано, коментирајќи го нападот на украинските сили врз регионот Курск во Русија, изјави дека според меѓународното право, Украина „има законско право да се брани, вклучително и со удари против агресорот на нејзина територија“.

„ЕУ продолжува целосно да го поддржува легитимното право на Украина да се брани од руската агресија и нејзините напори да ги врати суверенитетот и територијалниот интегритет“, изјавил тој за украинскиот медиум „Суспилни“.

Москва објави дека украинските сили се обиделе да окупираат дел од територијата на Курската област, а началникот на Генералштабот на вооружените сили на Русија, Валериј Герасимов соопштил дека напредувањето на вооружените сили на Украина во правец на Курск е запрено.

Во Курската област беше воведена вонредна состојба по нападот на украинските сили.

Share on Facebook

Tweet

Follow us

Save