Два земјотреси ја стресоа Бугарија

Два земјотреси ја стресоа Бугарија во временскиот опсег од 7.00 до 8.00 часот по бугарско време.

Два слаби земјотреси се регистрирани во четвртокот наутро во Тополовградската област, информираат од Националниот институт за геофизика, геодезија и географија при БАН.

Првиот земјотрес бил со јачина од 3 степени, а бил пријавен во 7 часот и 11 минути, а вториот бил со јачина од 3,2 степени според Рихтеровата скала. Епицентарот на двата земјотреси бил на околу 247 километри од Софија.

Според Европскиот сеизмолошки центар, регистриран е само еден потрес – во 7 часот и 57 минути, со јачина од 3,1 степени, на длабочина од 15 километри. Епицентарот на земјотресот бил на 12 километри североисточно од Нова Загора.

Share on Facebook

Tweet

Follow us

Save