INFOMAX.MK

Попладнево се случи престрелка во општина Арачиново која го крена цело СВР – Скопје на нозе. Според нашите информации пукано е на обезбедувањето на Ридван Ибраими градоначалник на општината.

Информациите на Инфомакс велат дека сите расположливи екипи и возила на МВР се упатени кон лице место со цел да го обезбедат местото на настанот.

Како што претходно напишавме тешко е ранет член на обезбедувањето на градоначалникот кој во моментов е во животна опасност, а полесно е ранет инспектор за урбанизам во општината.

Повредени се веќе префрлени на една од скопските клиники. Нема информации за тоа кој бил мета на нападот иако нашите извори велат дека настанот не е поврзан со претходните закани кои ги добиваше градоначалникот на Арачиново.

Да потсетиме дека градоначалникот беше и физички нападнат во својот кабинет бидејќи постапувал соогласно Закон, односно одбивал да го прекрши Законот и да работи спротивно на интересите на граѓаните.

Во секој момент Инфомакс очекува потврда и од МВР за настанот и повеќе детали во текот на денот.