Директорот на Финансова пред нова година купил автомобил од 38 илјади евра со наши пари

t

Управата за финансиска полиција пред Нова Година купила автомобил од 38 илјади евра. Директорот Арафат Муареми договорот го потпишал со добавувачот на 21 декември, а до Бирото за јавни набавки е доставен на 4 јануари. Според објавениот договор, цената на возилото без пресметан ДДВ е 32 илјади евра, а со данокот, чини 38 илјади евра. На огласот за јавната набавка имало само една понуда, објави СДК.МК.

Возилото што го купил директорот за институцијата е „Опел инсигнија гранд спорт бизнис елеганс“ 2.0 дизел. Според промотивните материјали на производителот, станува збор за „софистицирано ниво од бизнис класата“, а според спецификацијата со која победил добавувачот, лимузината е со автоматски менувач со 6 брзини.

Има автоматски двозонскa клима, систем за активно држење на возилото во лента, систем за избегнување на судир со возило напред, со асистенција на сопирање, систем за автоматско одржување на растојание до возилото напред, паркинг сензори предни и задни, камера за паркирање назад, 6 воздушни перничиња, алуминиумски тркала со дијаметар минимум 17 инчи, навигација, патен компјутер…

Лани во Обвинителството за организиран криминал и корупција за цела година стигнале само 9 пријави од Финансиската полиција. Статистиката во ова обвинителство вели дека од поднесените 9 пријави од Финансова, само 5 ја погодиле адресата. Пријавите биле поднесени против обични граѓани, ниту една не е против носител на јавна функција или бизнисмен, банкар.

Извор: СДК.МК

ПОВРЗАНИ ВЕСТИ

Четворица албански пратеници ќе бидат казнети за…

Комисијата за етика на по 10 дена…

Автомобил удри во електричен тротинет кај Бит…

Сообраќајна несреќа се случи кај Бит пазар.…

Автомобил изгоре ноќеска кај Бит-пазар

Автомобил, сопственост на жител на Скопје, вчеравечер…

Можеше да биде страшно: Се запали автомобил…

Пикап „Форд Ренџер“ изгорел вчера на бензинска…

(Фото) Сообраќајка кај Собрание на РМ: Се…

Сообраќајна несреќа се случи предмалку во близина…