Д-р Даниловски: Омикрон ќе стане ендемски вирус – треба да очекуваме сезонско зголемување на бројот на новозаразени
![t](https://infomax.mk/wp-content/uploads/2020/05/dr-Danilovski.jpg)
Професорот и епидемиолог Драган Даниловски смета дека ефективниот репродукциски број на заразени со Ковид-19 благо расте од 24-ти април.
-Тогаш беше околу 0,9, сега е над 1 и тоа се гледа од седумдневните процеси. За очекување е ваков благ пораст и во наредните денови со оглед на празниците. Гужвите ќе доведат до поголем број, но тоа нема да влијае на епидемиолошката состојба. Стојам на тој став и понатаму, вели д-р Даниловски.
Според него, од наесен ќе има благ сезонски пораст на бројките.
-Во Јужна Африка се појавија нови варијанти за кои се верува дека се позаразени од сегашниот. Исто така има и во САД. Ако тие две варијанти успеат да станат доминанти во светот, веројатно и кај нас еден ден, порастот на бројките би бил малку поизразен, но ништо страшно нема да се случи. Колективниот имунитет што го имаме сретнато е ненадминлива бариера, додава докторот.
Даниловски појаснува дека омикрон оди кон тоа да стане ендемски вирус.
-Тој и понатаму ќе биде поопасен од грипот затоа што кај 30 до 40% што го прележуваат вирусот, настануваат пост-ковид компликации. Исто така тој ќе биде опасност за невакцинираните граѓани, информира докторот во изјава за ТВ Сител.
ПОВРЗАНИ ВЕСТИ
Коронавирус на Олимписките игри, 40 спортисти се…
Светската здравствена организација објави дека повеќе од…
Вучевиќ е позитивен на Корона, пред неколку…
Премиерот на Србија, Милош Вучевиќ е позитивен…
Бајден позитивен на Ковид
Претседателот на САД, Џо Бајден, се тестираше…
Грчките здравствени власти предупредуваат на наглото зголемување…
Властите во Грција предупредуваат на зголемено ширење…
БЕЛГИСКИ СУД: На 17 мај рочиште за…
Основниот суд во белгискиот град Лиеж за…