Европа плаќа политичка цена за скапите горива: Протести, блокади и раст на радикалните партии

Растечките трошоци за гориво и живот го засилуваат притисокот врз европските влади и им отвораат простор на партиите што ветуваат радикален пресврт во економската и енергетската политика.

Во денешна анализа, Ројтерс ги поврзува протестите во Франција и Италија со поширокото незадоволство од куповната моќ. Во јужна Италија, блокади на превозници, земјоделци и работници го нарушиле транспортот, додека дел од политичките партии бараат обновување на енергетските врски со Русија.

Во Франција, властите најавуваат масовно полициско присуство за следните протести. За деловните објекти погодени од насилствата се најавени бескаматни заеми до 50.000 евра, додека локалните полициски часови донеле извесно смирување.

Притисокот се чувствува и на финансиските пазари. „Фајненшл тајмс“ објави дека продажбата на француски државни обврзници се засилила по насилните протести.

Така, кризата се прелева од домашните буџети кон политиката и државните финансии. Владите се соочуваат со двоен притисок: граѓаните бараат помош, а поскапото задолжување може да го ограничи просторот за нејзино финансирање.

Share on Facebook

Tweet

Follow us

Save