„Европски избори“: Во Бугарија пријавени 193 изборни прекршувања, од кои 160 за купување гласови

До 11 часот денеска, во структурите на бугарското Министерство за внатрешни работи (МВР) биле примени 193 пријави за прекршување на изборното законодавство и на политичките права на граѓаните.

Од вкупниот број пријави, 160 се однесуваат на купување гласови, девет на незаконска изборна агитација, една на корпоративно гласање, а 23 на други прекршувања поврзани со изборниот процес.

Ова го соопштија од прес-службата на бугарското МВР.

Досега биле издадени 1.259 предупредувачки записници согласно член 65 од Законот за Министерството за внатрешни работи.

Во бугарското МВР е отворена деноноќна телефонска линија на бројот 02/90 112 98, на која граѓаните можат да пријавуваат прекршувања или сомневања за кривични дела поврзани со изборниот процес и надлежностите на министерството.

Пријави може да се испраќаат и на електронската адреса [email protected].

Share on Facebook

Tweet

Follow us

Save