Ердоган се нуди како посредник меѓу Иран и САД

Турскиот претседател Реџеп Таип Ердоган му понудил на иранскиот претседател Масуд Пезешкијан да биде „посредник“ меѓу Техеран и Вашингтон.

Во телефонски разговор, Ердоган нагласи дека Турција е подготвена да игра улога на посредник меѓу Иран и Соединетите Американски Држави (САД), „со цел да се намалат тензиите и да се решат проблемите“, соопшти турското претседателство, според француските медиуми.

Иранскиот министер за надворешни работи, Абас Арагчи, пристигна во петок наутро во Истанбул за да се сретне со својот турски колега Хакан Фидан, во обид да се избегне американски напад врз соседен Иран што би го дестабилизирал регионот.

Американскиот претседател Доналд Трамп вчера изјави дека „се надева дека нема да мора да го нападне Иран“.

Share on Facebook

Tweet

Follow us

Save