ЕСМ го презема управувањето со БЕГ и Скопје Север – Загубите ќе се покријат со народни пари

t

Од денеска ЕСМ го презема работењето на БЕГ и Топлифкација Скопје Север. Ова се предвидува со кризната состојба на пазарот со топлинска енергија која ја прогласи Владата. Министерот за економија Крешник Бектеши вели дека нема точна пресметка колку пари ќе чини оваа криза. „Сѐ ќе зависи од тоа како ќе се движат берзанските цени на гасот. Засега предвидени се 6 милиони евра за покривање на трошоците на снабдувачите со топлинска енергија“, изјави министерот Бектеши кој сепак уверува дека доколку се потребни повеќе пари имало доволно средства во буџетот. Според него, нема да има проблеми до крајот на грејната сезона.

Инаку, кризната состојба што ја прогласи владата е во времетраење од 30 дена. Владата реши да го стави БЕГ под еден вид на „принудна управа“ до крајот на грејната сезона, и преку ЕСМ да го стабилизира пазарот на топлинска енергија, откако во решавањето на проблемот не се вклучија Градот Скопје и општините. „Ние не субвенционираме приватни фирми и затоа е донесена одлука од страна на ЕСМ, која е фирма во 100 процентна сопственост на државата, да се преземе управувањето со БЕГ. Преку државната ЕСМ ќе се покрива разликата од реалната и постојната цена за корисниците“, вели Бектеши.

Долговите што ги прават БЕГ и АД Скопје Север кон АД ТЕ-ТО и Макпетрол за снабдување со гас во изминатите неколку дена заклучно со 21 јануари ќе треба да ги решат приватните компании со меѓусебни договори за одложено плаќање или на некој друг начин. Денеска најверојатно ќе има нов договор меѓу ЕСМ, БЕГ и Скопје Север. Во врска со одговорноста околу ладните радијатори во Скопје, министерот за економија вели дека веќе има постапки во Обвинителството за издавањето на лиценците за БЕГ во 2012 година, а за обврските што ги има согласно дадената лиценца, РКЕ може да провери дали БЕГ имал резерви мазут за 15-дневна работа како што произлегува од обврската од Законот за енергетика.

ПОВРЗАНИ ВЕСТИ

Повеќе од 12 часа делови од Скопје…

Повеќе од 12 часа делови од Скопје,…

Три каснувања од кучиња скитници во Скопје…

Три каснувања од кучиња скитници се пријавени…

(Фото) Четири часа чекале за да тргне…

Пожар кој ја зафати пругата меѓу Гострижани…

За една година цените на становите во…

Цените на становите во Скопје во вториот…

Паднати бандери и дрвја, поплавени куќи и…

Регионалниот ЦУК Тетово, известува дека вчера во…