INFOMAX.MK

Земјите-членки на ЕУ нема да плаќаат за рускиот гас во рубли, објави Европската комисија во вторникот, отфрлајќи го рокот на Москва за промена на механизмите за плаќање, 31 март. Соопштението доаѓа еден ден по сличниот одговор од земјите на Г7.

Минатата недела рускиот претседател Владимир Путин побара непријателските земји, кои воведоа економски санкции кон Москва, да го платат рускиот гас со рубљи. Во понеделникот, тој и нареди на владата да ги развие потребните алатки за да ја исполни задачата и да одреди краен рок до четврток.

Портпаролот на Кремљ, Дмитриј Песков, во вторникот изјави дека Русија нема бесплатно да испорачува природен гас на европскиот пазар, бидејќи од 31 март нема да се примаат евра и долари.

Москва посочи дека новото правило за промена на валутата ќе влијае на земјите кои водат економска војна против Русија со воведување санкции и замрзнување на девизните резерви на нацијата. Тие најверојатно ќе ги вклучуваат САД, Канада, Австралија, Јапонија, ЕУ и голем број помали земји.