Зеленски денеска пристигнува во Тирана

t

Денеска во Тирана ќе се одржи Самит за Украина на кој се очекува да присуствува и претседателот на Украина, Володимир Зеленски, јавува РТК.
Самитот Украина – Југоисточна Европа ќе се одржи на 28 и 29 февруари, а ќе учествуваат 13 земји од Југоисточна Европа, претставени од нивните премиери.

Претседателката Вјоса Османи ќе го претставува Косово на самитот, изјави за РТК советникот за медиуми Беким Купина.

Зеленски во првата посета на Тирана ќе оствари средби и со највисоките државни функционери.

Украинскиот претседател се очекува да пристигне во Тирана вечерта на 27 февруари, а во среда на 28-ми ќе учествува на самит на кој ќе присуствуваат некои од највисоките претставници на Брисел, како и лидерите на земјите од Западен Балкан и Југоисточна Европа.

Дел од самитот ќе биде и турскиот претседател Реџеп Таип Ердоган, преку видео порака, како што соопшти албанскиот премиер Еди Рама на 20 февруари од Анкара.

Работата на самитот ќе се одвива во просториите на Конгресната палата каде ќе се одржи церемонија за добредојде, а на крајот од затворените седници за медиумите ќе се одржи и заедничка прес-конференција.

Во меѓувреме, на 29 февруари лидерите на земјите од регионот ќе се сретнат во Тирана за да разговараат за планот за економски раст на земјите од Западен Балкан и европските интеграции.

На состанокот се очекува да присуствува и претседателката на Европската комисија, Урсула фон дер Лајен.

Претседателот на Украина, Володимир Зеленски, му се заблагодари на претседателот на Албанија, Бајрам Бегаи за неговата солидарност со Украина.

ПОВРЗАНИ ВЕСТИ

Мицотакис постави црвени линии за соседите: Македонија…

Грчкиот премиер Кирјакос Мицотакис во интервју за грчкиот…

Стапи во сила законот за мобилизација во…

Во Украина стапи во сила оспоруваниот закон…

Фински функционер открива: Какво е расположението за…

Идејата за испраќање трупи за поддршка во…

Во голема полициска акција во Албанија запленет…

 Во голема полициска акција, во содејство со…

Нова заканувачка изјава на Медведев: НАТО нѐ…

Во случај Украина да користи ракети со…