Изборните реформи влегуваат во завршна фаза
Работната група за реформи во изборното законодавство денес ја одржа седмата седница, на која беа разгледани и анализирани предлозите, мислењата и забелешките доставени од надлежните институции, политичките партии, граѓанските организации и другите засегнати страни во процесот на подготовка на измените на Изборниот законик.
На седницата беше потврден досегашниот напредок во усогласувањето на законските решенија со препораките на ОБСЕ/ОДИХР, при што членовите на Работната група водеа интензивна и конструктивна расправа за повеќе прашања кои директно влијаат врз транспарентноста, интегритетот и кредибилитетот на изборниот процес.
Министерството за правда ја истакнува посветеноста и активното учество на сите членови на Работната група и оценува дека процесот се одвива во духот на дијалог, професионалност и заедничка одговорност за унапредување на демократските стандарди во државата.
Реформите во изборното законодавство претставуваат важен чекор кон јакнење на институционалната доверба и обезбедување фер, слободни и демократски избори во согласност со европските стандарди и меѓународните препораки.
Следната седница е закажана на 12 јуни по што законските измени ќе се финализираат и ќе се достават во понатамошна процедура.
ПОВРЗАНИ ВЕСТИ
Изборните реформи влегуваат во завршна фаза
Работната група за реформи во изборното законодавство…
Меџити: Над плоштадот „Скендербег” ќе изградиме Албанска…
Градоначалникот на Општина Чаир, Изет Меџити, најави…
Ризични објекти како Пулс не биле во…
Материјални докази, односно документи од Дирекцијата за…
Трошоците за живот пораснаа за 0,6% месечно…
Според најновите податоци на Државниот завод за…
Папата Лав XIV: Светот е во длабока…
Во едно од своите најобемни политички обраќања,…