Израелски пратеник со токмак сруши палестински споменик

Израелскиот пратеник од крајната десница, Зви Сукот, и неколку негови соработници вчера наутро со чекани го скршија споменикот на убиените Палестинци, меѓу кои и терористи, во селото Мадама на Западниот Брег. Тие го обиколуваа селото под придружба на израелската армија, а инцидентот беше осуден и од израелската армија и од политичарите.

На видеото прво објавено од палестинските медиуми, се гледа војник како стои до Сукот, член на партијата Религиозен ционизам, и други мажи кои удираат во споменикот. Други војници стоеја малку подалеку, до военото возило.

Израелската војска соопшти дека посетата на Сукот била одобрена, но дека пратеникот и неговите соработници дејствувале „измамнички и манипулативно“ за време на обиколката кога почнале да го вандализираат споменикот.

Споменикот останал исправен, но бил значително оштетен.

Сукот подоцна го објави своето видео од уништувањето на селскиот „Споменик на мачениците“, на кој се испишани имињата на десет Палестинци од селото, со датуми на смртта од 1930 до 2004 година. Избледени букви на дното од споменикот пишуваше: „Подарок од другарите на Народниот фронт“, што се однесува на палестинската терористичка група одговорна за киднапирањата и масакрите.

Фотографиите објавени од палестинските медиуми по инцидентот го покажуваат споменикот како сè уште стои, но значително е оштетен. Сукот во соопштението изјави дека реагира бидејќи Израелските одбранбени сили (ИДФ) не го отстраниле него и другите споменици на Западниот Брег што ги величат палестинските терористи, и покрај неговото претходно барање.

„Нема да поддржиме ситуација во која оние што им наштетија на Евреите и војниците на ИДФ се слават како херои“, нагласи тој, повикувајќи ја војската да ги отстрани она што го опиша како „сите споменици на тероризмот“ на Западниот Брег.

Share on Facebook

Tweet

Follow us

Save