ИЗРАЕЛ НАЈАВУВА НОВИ НАПАДИ ВРЗ ИРАН: Мисијата не е завршена, Техеран повторно ја активира нуклеарната програма

Израелскиот министер за одбрана, Израел Кац, порача дека воената мисија на Израел против Иран сè уште не е завршена, предупредувајќи дека Техеран повторно ги активира напорите за развој на нуклеарно оружје и дека Израел е подготвен да преземе превентивни воени акции.

„Што се однесува до Иран, мисијата сè уште не е завршена. Иран се обидува да ги обнови своите напори за стекнување нуклеарно оружје, паралелно со други сериозни активности што ја доведуваат Државата Израел во вистинска опасност. Не можеме да ги прифатиме овие закани“, изјави Кац.

Израелскиот министер нагласи дека земјата е „порешителна од кога било“ да дејствува превентивно против потенцијалните закани од Иран.

Според неговите зборови, Израел ќе продолжи со проактивна и офанзивна безбедносна политика, што подразбира можност за воени операции против иранските капацитети пред тие да претставуваат непосредна закана за израелската национална безбедност.

Изјавата претставува едно од најдиректните предупредувања од израелскиот воен и политички врв за можноста од продолжување на воените операции против Иран.

Особено значајно е што предупредувањето доаѓа во период на политички промени во Израел. Според првичните информации, претседателот Исак Херцог денеска му го доверува мандатот за формирање нова влада на Гади Ајзенкот.

Ова е првиот јавен повик за продолжување на дејствувањето против Иран од висок израелски функционер по изборите.

Новите пораки од Тел Авив дополнително ја зголемуваат неизвесноста околу безбедносната состојба на Блискиот Исток, особено во услови на засилени американски воени активности и постојани предупредувања за можноста од нова регионална ескалација.

Засега нема официјална потврда од независни меѓународни институции за тврдењето на Кац дека Иран повторно презема конкретни активности за развој на нуклеарно оружје.

Share on Facebook

Tweet

Follow us

Save