Имало решение: Девојчињата од Ѓорче Петров, кои гореа врсничка со цигари и ја тераа да лиже кучешки измет, ќе одат во поправен дом

На четирите тинејџерки против кои се водеше постапка за бруталното насилство врз 13-годишно девојче во скопската општина Ѓорче Петров им е изречена мерка упатување во воспитно-поправен дом.

-По однос на предметот со малолетниците, изречена е мерка – упатување во воспитно – поправен дом за сите деца. За првообвинетото дете е во траење од 1 година, за останатите деца е 8 месеци. Имајте само предвид дека пресудата е во фаза на изработка, не е експедирана и не е правосилна – велат од Кривичниот суд.

Одлуката сè уште не е правосилна, туку е во фаза на писмена изработка и сè уште не е доставена до странките.

Случајот ја вознемири јавноста откако во група деца во два наврати физички малтретирале 13-годишно девојче, ученичка во основно училиште во Ѓорче Петров, додека дел од присутните го снимале насилството со мобилни телефони.

Share on Facebook

Tweet

Follow us

Save