Исламска револуционерна гарда: Американски подводен дрон запленет во Ормускиот Теснец

Иранската Исламска револуционерна гарда денес објави дека запленила напреден американски подводен дрон – кој наводно спроведувал разузнавачки операции во Ормускиот теснец – додека иранските власти истовремено предупредија дека секој обид за контрола на овој стратешки воден пат ќе наиде на силен одговор.

Иранската новинска агенција „Фарс“ пренесе соопштение од морнарицата на Исламската револуционерна гарда во кое се потврдува запленувањето на американскиот воен дрон „Remus 600“, кој оперирал во Ормускиот теснец за цели поврзани со собирање разузнавачки податоци.

Револуционерната гарда наведе дека дронот бил запленет со користење разузнавачки капацитети и технологија за електронско војување и дека сега е предмет на испитување од страна на ирански експерти со цел да се извлечат податоците зачувани во него.

Покрај објавата за запленувањето, Револуционерната гарда – како што пренесе „Ал Џезира“ – го прогласи Ормускиот теснец за затворен и предупреди дека одлучно ќе одговори на секој обид на пловни објекти да поминат низ рути што Иран ги смета за нелегални.

Share on Facebook

Tweet

Follow us

Save