Како Фејсбук го сруши волстрит? Берзите во слободен пад
![t](https://infomax.mk/wp-content/uploads/2022/02/volstrit-berza.jpg)
Технолошкиот сектор силно порасна во последниве години благодарение на опкружувањето со ниски камати, но тој период се ближи кон крајот бидејќи клучните каматни стапки на американската централна банка се очекува да се зголемат во март.
На Волстрит во четвртокот берзанските индекси остро паднаа, по четири дена раст, најмногу поради притисокот врз технолошкиот сектор, по послабите од очекуваните деловни резултати на Facebook.
Dow Jones се лизна за 518 поени или 1,45 отсто, на 35.111 поени, додека S&P 500 потона за 2,44 отсто на 4.477 поени, а индексот Nasdaq 3,74 отсто на 13.878 поени.
Падот на индексот во голема мера се должи на падот на цената на акциите на Мета, компанија под палка на Фејсбук, за повеќе од 26 отсто, бидејќи инвеститорите беа разочарани од послабите од очекуваните деловни резултати и стагнацијата на бројот на корисници на социјалната мрежа.
Пазарната вредност на таа компанија падна за 200 милијарди долари, што е најголема дневна загуба досега забележана на Волстрит. Под притисок беа и акциите на другите социјални мрежи, па цената на Twitter падна за повеќе од 5 отсто, а на Snap за повеќе од 23 отсто.
Не беа поштедени ниту другите технолошки гиганти. Акциите на Alphabet и Microsoft паднаа за повеќе од 3 отсто, а Amazon.com речиси 8 отсто. Технолошкиот сектор силно порасна во последниве години благодарение на опкружувањето со ниски камати, но тој период се ближи кон крајот бидејќи клучните каматни стапки на американската централна банка се очекува да се зголемат во март.
Се верува дека во наредниот период ФЕД агресивно ќе ја заостри монетарната политика бидејќи инфлацијата во САД е на највисоко ниво во речиси 40 години.
Освен ФЕД, другите централни банки во светот ја заоструваат монетарната политика. Британската централна банка вчера повторно, втора сесија по ред, ја зголеми основната каматна стапка за 0,25 процентни поени, на 0,50 отсто. Нешто поостри од очекуваното беа и пораките на челниците на Европската централна банка по редовната седница за монетарната политика. Затоа вчера паднаа цените на акциите на европските берзи. Лондонски FTSE индекс се намали за 0,71 отсто, на 7.528 поени, додека франкфуртски DAX се лизна за 1,57 отсто, на 15.368 поени, а париски CAC 1,54 отсто, на 7.005 поени.
ПОВРЗАНИ ВЕСТИ
САД: Неонацистичка група има намера да се…
Предизборната кампања во САД се соочи со…
САД ќе испратат борбено засилување на Блискиот…
Американската војска ќе распореди дополнителни борбени авиони…
Хантер Бајден ќе ја добие пресудата осум…
Хантер Бајден, синот на американскиот претседател Џо…
САД и Велика Британија ги повикаа нивните…
Амбасадата на САД во Бејрут и британската…
Хрватска набавува најмоќно оружје во својата историја:…
Хрватска го набавува најмоќното оружје што досега…