Познато е кој ја уби демократската претставничка и нејзиниот сопруг, се чини дека е политички мотивирано убиство!

Осомничениот за атентатот и обидот за атентат врз двајца политичари од Минесота е идентификуван како Венс Боелтер, потврдија за CNN двајца полициски службеници запознаени со случајот.

Боелтер има 57 години, а според еден од службениците, тој е вработен во безбедносната компанија Praetorian Guard Security.

На официјалната веб-страница на компанијата е наведено дека Боелтер служи како директор на службата за безбедносна патрола и дека бил обучен од припадници на американската војска.

Претставничката во Парламентот на државата Минесота, Мелиса Хортман, и нејзиниот сопруг, Марк, беа убиени рано утрово „во она што се чини дека е политички мотивирано убиство“, изјави гувернерот на Минесота, Тим Волц, на прес-конференција.

Сенаторот од Минесота, Џон Хофман, и неговата сопруга исто така биле цел на истиот вооружен човек, двајцата биле застрелани повеќепати, рече Волц.

Двајцата биле членови на Демократската, земјоделската и лабуристичката партија на Минесота.

Хофман и неговата сопруга Ивет излегоа од операција и се во стабилна состојба. На семејството на сенаторот Хофман му било кажано дека куршумот „за малку го промашил“ неговото срце и дека неговата сопруга не претрпела внатрешни повреди.

Осомничениот е сè уште во бегство.

Share on Facebook

Tweet

Follow us

Save