Калас: Русија сакаше да ја исплаши Европа со нападот на возот во близина на полската граница

Високата претставничка на ЕУ за надворешни работи и безбедносна политика, Каја Калас, денеска изјави дека Русија сака да ги „исплаши“ европските земји и да ги одврати од поддршката на Украина со нападот врз возот во близина на полската граница.

„Ова очигледно имаше за цел да ги заплаши западните земји да не ја поддржат Украина и да не одат во оваа земја за да ја изразат својата поддршка. Ова беше порака до западниот свет“, изјави Калас пред почетокот на Европскиот арктички самит во Финска, објави Укринформ.

Таа нагласи дека Европа не треба да подлегне на заплашување, туку треба да ја зголеми својата поддршка за Украина.

„Мислам дека треба да го сториме спротивното. Треба да покажеме дека сме тука за Украина и дека не се плашиме“, рече Калас.

Според неа, ако Европа попушти под притисокот, Русија ќе ја постигне својата цел да ја „освои Украина“.

„Ова не е нивната крајна цел. Нивната крајна цел е многу поширока, затоа мора цврсто да стоиме на нашата (позиција)“, заклучи Калас.

Укринформ претходно објави дека француските претседателски кандидати Габриел Атал и Едуар Филип ја повикаа Европа да ја засили поддршката за Украина по рускиот напад врз возот во близина на украинско-полската граница.

Share on Facebook

Tweet

Follow us

Save