INFOMAX.MK

На социјалните мрежи се шират повици да се гласа за Албанецот, не за Македонецот кандидат за градоначалник на Брвеница.

Во вториот круг на локалните избори во Брвеница влегоа кандидатот на ВМРО-ДПМНЕ, Јовица Илиевски и кандидатот на ВЛЕН, Хаким Рамадани.

Покрај тоа што се организира албансаката дијаспора да биде вратена за гласање во вториот круг, на социјалните мрежи се шират и шовинистички повици да се гласа за Албанецот, не за Македонецот.

– Повик до сите соселани од селото Челопек кои живеат во Швајцарија: Хаким Рамадани победи во првиот круг, сега вториот круг е на 2.11.2025. Ве молам, дојдете сите и гласајте. Не барајте изговори, знам дека сите имате можност да дојдете. Гласајте за Хаким Рамадани, а не за Македонецот. Некои Албанци гласаа за странецот за малку пари… срам да ви е, ја продадовте душата на ѓаволот! Разбудете се, дојдете во вашата татковина, во вашето село и гласајте за вашиот брат Албанец Хаким Рамадани – стои во објава на член на ВЛЕН, коалиционите партнери во Владата на Мицкоски.

Инаку Мицкоски не кандидираше кандидати за градоначалници во повеќе места, како Тетово, Струга, Гостивар, каде отворено беа поддржани кандидатите на ВЛЕН.

На социјалните мрежи се шират информации за организирање на иселеното албанско население да се врати за гласањето во вториот круг.