Ковачевски на средба со чешкиот амбасадор: Новата енергија во разговорите е препознаена и во државите и во ЕУ

t

Претседателот на Владата на Република Македонија, Димитар Ковачевски, се сретна со Јарослав Лудва, новоименуван амбасадор на Чешката Република во нашата држава.

На состанокот е пренесено дека Чешката Република го поддржува европскиот пат на Република Македонија и дека нашата држава ќе ја има и понатаму поддршката, посебно што Чешката Република ќе претседава со Советот на ЕУ од 1 јули оваа година.


Оценето е дека Македонија има геостратешко значење и дека Европа е безбедна со интеграција на нашата држава и на целиот регион во ЕУ.

Премиерот Ковачевски порача дека Чешката Република е вреден партнер на Македонија и значаен поддржувач на европските перспективи, како стратешка цел на земјава, по членството во НАТО.

„Се определивме да работиме низ отворена и чесна комуникација во дијалогот со Република Бугарија. Новата енергија во разговорите е препознаена и во државите и во ЕУ. Продолжуваме да работиме исклучиво по принципот на почитување на другиот, на сочувување на достоинството на граѓаните на двете држави и во духот на европските вредности“, рече премиерот Ковачевски.

На средбата е оценето дека иницијативата Отворен Балкан, како еден од чекорите кон ЕУ, води кон унапредување на односите помеѓу државите во регионот, при што е споделено искуството на Вишеградската група, односно бенефитите од воспоставувањето добра регионална соработка.

На состанокот е заеднички констатирано дека постојат можности за унапредување на добрата соработка меѓу Македонија и Чешката Република во повеќе области, како што се економијата и одбраната, а премиерот Ковачевски изрази благодарност за поддршката од Чешката Република во рамки на европската гранична служба Фронтекс.

ПОВРЗАНИ ВЕСТИ

Инфомакс е, и ќе биде редакција на…

Во вечерашното издание на "Teшки муабети" се…

Не можете да кажете дека сте биле…

Не можете да кажете дека сте биле…

Датум “мало сутра”: Нема причина за кревање…

Немаме причина да го укинеме ветото за…

НЕМА ПОЧИНАТИ: Ова е најновата Ковид 19…

Согласно податоците од Институтот за јавно здравје,…

Ангеловска-Бежоска на „Еуромани“: Главната цел на монетарната…

Главната цел на монетарната политика за време…