Ковачевски присуствуваше на отворањето на Генералното собрание на ООН во Њујорк

t

Премиерот Димитар Ковачевски, кој предводи владина делегација во Њујорк, денеска присуствуваше на отворањето на 77-то Генерално собрание на Обединетите нации, чија годишна генерална дебата е посветена на тема „Tрансформативни решенија на испреплетени предизвици“, со фокус на решенијата кои земјите ќе ги изнајдат преку солидарност, одржливост и наука.

Ковачевски во рамките на посетата на Њујорк ќе има и неколку билатерални средби и предавање на Универзитетот Колумбија.

Владината делегација во Њујорк ја сочинуваат министерот за надворешни работи Бујар Османи, постојаниот претставник на земјава при Обединетите нации во Њујорк, Љубомир Фрчковски и советник за надворешни работи на премиерот Едмонд Адеми.

Генералната дебата ја отвори генералниот секретар на ООН Антонио Гутереш во присуство на лидерите и делегатите од земјите членки на Организацијата на Обединетите нации. Главен фокус на отворањето беше позицијата и повикот за заедничкото делување и дијалог како единствениот начин кој ќе овозможи развој. Воедно, беше посочено дека ниту еден глобален предизвик, не може да се реши без здружени напори на сите земји и чинители, соопштија од Влада.

Од владината прес-служба информираа дека покрај присуството на генералната дебата на Генералното собрание на ООН, денеска попладне премиерот, заедно со останатите негови колеги од земјите од Западен Балкан ќе присуствува и на работен ручек, организиран од високиот претставник на Европската Унија за надворешна политика и безбедност и потпретседател на Европската комисија, Жозеп Борел.

За утре е предвидено претседателот на Владата Димитар Ковачевски да се обрати на состанок по повод 30 години од Декларација за малцинските права, а на 24 септември ќе говори на Генералната дебата на Генералното собрание на ОН.

ПОВРЗАНИ ВЕСТИ

ХОРОР.. ИМА МРТВИ И РАНЕТИ: Три лица…

Вечерва имало пукање во кафе-слаткарница во Истанбул,…

Во првите 3 месеци од годинава Грција…

Бројот на посетители на Грција во првите…

„Гугл“ ќе вложи 1 милијарда евра во…

„Алфабет“, матичната компанија на американската технолошка корпорација…

Бајден: Путин сака доминација во Балтичкото Море

Тој рече дека Русија е особено заинтересирана…

Фон дер Лајен: ЕУ за економските односи…

Таа го изјави ова за време на…