Објавено на:

Ковачев провоцира: Бугарија ја сака Македонија во ЕУ ама да се ослободи од југословенското наследство

t

По агресијата на Путин против Украина, интеграцијата на Западен Балкан во ЕУ сега мора да биде поддржана повеќе од кога било. Македонија е на тежок пат од зависна единица во поранешна Југославија до независна европска држава. Ова го изјави бугарскиот европратеник Андреј Ковачев во пленарната сала на Европскиот парламент во Брисел на дискусиите за Извештајот за Македонија за 2021 година, пренесе БГНЕС.

„Бугарија ја поддржува Македонија во последните 30 години на секој начин на нејзиниот пат кон Европа. Нашето европско семејство мора да биде обединето и силно и способно да одговори на заканите и предизвиците околу нас. Во интерес на Кремљ би било во нашата ЕУ да има недоразбирање, омраза и дискриминација. Затоа сите овие теми кои водат до вакви негативни процеси мора да се расчистат пред почетокот на преговорите или барем да има гаранција дека ќе се решат во текот на преговарачкиот процес“, изјави Андреј Ковачев.

Според него, „интеграцијата е двонасочна улица која бара напори од двете страни“.

„Сепак, земјата кандидат треба да може да ја надмине инерцијата и зависноста од поранешната југословенска идеологија, која доведе до поделба и сеење омраза меѓу двете земји со заедничка историја како Бугарија и Македонија. Договорот со Бугарија мора да се почитува, особено во делот за историско помирување, врз основа на нашата заедничка историја, работата на Заедничката историска комисија да работи врз основа на оригинални документи, како и недискриминацијата на луѓето кои отворено го изјавуваат својот бугарски идентитет. Мора да се преземат мерки за надминување на говорот на омраза, како што се промените во наставните програми и учебниците“, рече тој.

Ковачев смета дека „гаранција за напредок може да биде Преговарачката рамка, каде што можеме да земеме предвид што е направено на овие теми, без да се грижиме дали во Македонија ќе дојде друга влада, како што е денешната опозиција.“

„Ја повикувам политичката елита во Македонија да покаже храброст и лидерство за почеток на преговорите“, заклучи Ковачев за време на дискусиите за Извештајот за Северна Македонија за 2021 година.

ПОВРЗАНИ ВЕСТИ

(Видео) КАПА ДОЛЕ МОМЦИ: Организаторот ја скрати…

Кадетската репрезентација на Македонија обезбеди место на…

Димовски: Живо сум заинтересиран како ќе се…

Илија Димовски преку објава на социјалната мрежа…

За влез и излез во Македонија се…

Интензитетот на сообраќај на патните правци надвор…

Македонците во Бугарија: Ова е само почеток,…

Провокација со задни намери. Македонците од Бугарија…

Грција ги порази македонските кошаркарски надежи со…

Кошаркарската репрезентација на Македонија до 16 години…