Комити лути поради новиот термин: Нека видат како е пред празни трибини!

Верните навивачи на најтрофејниот македонски клуб Вардар најавија дека нема да се појават на трибини за последниот натпревар во есенскиот дел од сезоната против Кожув зашто ќе се игра во петок, наместо за викенд.

Комити се лути поради новиот термин на мечот, кој е закажан за утре (петок) од 13 часот, па поради тоа сакаат да испратат јасна порака со тоа што нема да се појават на стадионот.

„Поради промена на регуларниот термин на одигрување на првенствените натпревари, одлучивме да не присуствуваме на последното коло, кое според изменетиот распоред треба да се одигра во петок (9.12.2022) со почеток од 13:00ч. Нека видат како е пред празни трибини, тие што ставаат глупи термини“, се вели во соопштението на Комити.

Share on Facebook

Tweet

Follow us

Save