Корупцијата им го изеде талентот: Американците удрија по Владите од Западен Балкан – си ги избркавте младите

t

Корупцијата претставува најголем проблем на Западен Балкан, изјави специјалниот пратеник на САД за Западен Балкан, Габриел Ескобар, додавајќи дека САД ќе продолжат да ги користат сите достапни алатки, вклучително и санкциите, за да ги казнат дестабилизирачките актери.

– Корупцијата е канцер кој ја нагризува вербата на граѓаните во демократијата, го намалува инстинктот за иновативност и креативност, па на тоа се трошат и онака оскудните буџети, што ги скратува инвестициите. Се троши талентот на цели генерации – изјави Ескобар за „Дневни аваз“.

Тој рече дека тоа ги плаши инвеститорите, додавајќи дека САД се посветени на промовирање одговорност, како и залагање за казнување на оние кои се вклучени во корупција во Западен Балкан и во целиот свет.

– САД ќе продолжат да ги користат сите достапни алатки, вклучително и санкции, за да ги казнат злонамерните и дестабилизирачки актери, како и организациите и компаниите кои ги поддржуваат – порача Ескобар.

Тој рече дека младите го напуштаат Западен Балкан за да најдат работа и можности во други држави.

– Тоа го прават затоа што нема доволно можности за нив во нивните земји. Време е на овие млади луѓе да им се даде можност да ја искористат својата енергија и имагинација – истакна Ескобар.

ПОВРЗАНИ ВЕСТИ

Зеленски го нападна Шолц поради оружјето кое…

Украинскиот претседател Володимир Зеленски го критикуваше германскиот…

Белата куќа оценува дека изјавите на Хамас…

Белата куќа денеска соопшти дека изјавите на…

СДСМ: Глас за Пендаровски и СДСМ е…

-Ова се избори помеѓу надежта со СДСМ…

Пендаровски: Подготвен сум во секое време за…

„Дебата нема, затоа што опонентите се мислеа…

Се пореален е бојкот на опозицијата на…

Изборите за град Белград се распишани за…