Кошмарот на Милан продолжи

Екипата на Милан го доживеа вториот пораз по ред откако загуби на гостувањето кај Болоња со 1-2.

„Росонерите“ загубија и покрај тоа што по првото полувреме водеа со 1-0, благодарение на голот на Рафаел Леао во 43. минута. Тукушто почна вториот дел, Болоња израмни преку Кастро, а во 82. минута Ндоје се погрижи за целосен пресврт и три бода за домашната екипа.

Со оваа победа, Болоња се искачи на шестото место на табелата во Серија А со 44 бода, додека Милан падна на осмата позиција и е се подалеку од пласман во Лигата на шампионите.

Share on Facebook

Tweet

Follow us

Save