Кој од кого да се плаши: Скопјанец му продал на мигрант, француска лична карта – го уапсиле на Табановце

Дваесет и деветгодишен државјанин на Камерун бил уапсен на Граничниот премин Табановце откако се обидел да ја напушти државата со туѓа француска лична карта, која била евидентирана како предмет на потрага од Интерпол.

Инцидентот се случил на 25 јануари 2026 година во 18:12 часот, при излез од Македонија. При редовна гранична контрола, полициските службеници забележале сомнеж во документите што ги приложил П.М.Ф.Б. (29). По проверката било утврдено дека француската лична карта не му припаѓа нему и дека се води како предмет по кој трага Интерпол.

Можеби ќе ве интересира
ГЕРМАНКА ФАТЕНА СО ПЕЧУРКИ НА ТАБАНОВЦЕ Полицијата откри…

плусинфо 20/01/2026
СОПРУЖНИЦИ СО „МЕРЦЕДЕС“ МУ ПОМОГНАЛЕ НА САИТ ДА СЕ СОКРИЕ…

плусинфо 17/01/2026

Дополнителните проверки покажале дека мажот бил регистриран во Прифатниот центар Визбегово. Тој пред полицијата изјавил дека спорната француска лична карта ја купил од лице од Скопје за сума од 1.000 евра.

По лишувањето од слобода, Камерунецот бил предаден на полициски службеници од СВР Куманово. По целосно документирање на случајот, против него ќе биде поднесена соодветна кривична пријава.

Share on Facebook

Tweet

Follow us

Save