Кривична пријава за три лица од Велес по текст на Инфомакс – Дали недостасуваат документи поради упад на надворешни лица во службена документација?
![t](https://infomax.mk/wp-content/uploads/2024/03/veles-komandir-sovetnik-delat-pasosi.jpg)
Општинскиот огранок на СДСМ во Велес поднесе кривична пријава поради постоење на основано сомнение дека функционери во локалните институции ја злоупотребиле својата службена положба и овластување, откако Инфомакс објави дека лицата неовластено влегуваат во просториите на МВР и буричкаат по личните документи на граѓаните на Велес.
– Онака како што најавивме пред некој ден, а во врска во објавената фотографија на порталот “Инфомакс” на која што јасно се гледа како Командирот на противпожарната служба во Велес, во присуство и надзор на Заменик градоначалникот а воедно и советник во општина Велес буквално тарашка по личните документи на нашите сограѓани, денес, ОО СДСМ Велес поднесе “Кривична пријава” до Основното Јавно Обвинителство поради “ Постоење на основано сомнение дека осомничените сториле кривично дело: Злоупотреба на службена должност од член 353 ст.1 од Казнениот Законик” против три лица и тоа:
– Маргица Цветановска – Началник на сектор на управни служби Велес
– Димче Јованов – Командир на ТППЕ Велес
– Коста Нојков – Советник во општина Велес и Заменик градоначалник
Почитувани,
Ова што го видовме деновиве, начинот на кој што се опрактикува сила од страна на високи функционери во пасошкото одделение во Велес е семо потсетување на тоа како владееше ДПМНЕ. За нив државата е очигледно во служба единствено на партијата. ОО СДСМ Велес застанува во одбрана на граѓаните и во служба на Законите на РСМ.
Воедно уште еднаш го прашуваме јавно го прашуваме министерот за внатрешни работи Панче Тошковски
1. Дали и тој презема мерки против злоупотребата на службената положба на натрапниците?
2. Дали и тој поведе постапка против раководителот на одделението за лични документи при СВР Велес?
3. Дали недостасуваат лични карти и пасоши на граѓани на Велес поради упад на надворешни лица во службена документација? – велат од СДСМ Велес.
ПОВРЗАНИ ВЕСТИ
СДСМ: Гаши да одговора!
Откако не успеаја да го скријат скандалот…
СДСМ: И во наше време Османи сакаше…
Најголемата опозициска партија СДСМ упати низа обвинувања…
СДСМ до Мицкоски: Aко имаш докази објави…
„Откако дојде на власт, Мицкоски и ВМРО-ДПМНЕ…
Филипче: МВР да истражи што се случило…
Недозволиво е за една ваква сериозна работа…
СДСМ: Срамно е да има три верзии…
Јавноста е во целосна конфузија по вчерашниот…