Крипто-измама вредна над 37.000 евра, оштетени се млади скопјани

Двајца млади жители на Скопско пријавиле дека наводен измамник им зел околу 2.300.000 денари (околу 37.600 евра) лажејќи ги дека инвестираат во криптовалути, соопшти МВР.

„На 28.07.2026 во 14:30 часот во СВР Скопје, 24-годишник и 20-годишник, двајцата од скопско, пријавиле дека биле измамени од Х.Д. за сума од 923.000 денари и 1.390.000 денари. Според пријавеното, Х.Д. ги убедил да инвестираат пари во криптовалути. Парите ги уплаќале во менувачница, по што им биле праќани известувања по мејл дека парите се уплатени. Откако решиле да ги подигнат парите и добивката, на 24-годишникот му било кажано дека не може без согласност од Х.Д., додека на 20-годишникот дека мејловите се невистинити, по што и двајцата сфатиле дека се измамени. Се преземаат мерки за расчистување на случајот“, пишува во полициското соопштение.

Share on Facebook

Tweet

Follow us

Save