Латвија и Литванија ќе протеруваат руски дипломати

Литванија и Латвија објавија одлука за намалување на дипломатските односи со Русија, со наредба на руските амбасадори да ги напуштат двете балтички држави.

Министерот за надворешни работи на Литванија Габриелиус Ландсбергис денеска најави дека во наредните денови од Москва ќе биде повлечен и дипломатскиот претставник на Литванија.

Вилнус одлучи и да го затвори рускиот конзулат во градот Клаипеда.

„Како одговор на немилосрдните агресивни дејствија на Русија во Украина, литванската влада одлучи да го намали статусот на дипломатската мисија“, изјави Ландсбергис за новинарите.

„Рускиот амбасадор ќе мора да ја напушти Литванија“, додаде тој.

Share on Facebook

Tweet

Follow us

Save