Македонија била геноцидна кон Бугарите, тврдеа пратеници на седницата на која Европарламентот го усвои Извештајот за Македонија

t

Европските парламентарци попладнево со 508 гласа „за“ и 56 „против“ го усвоија Извештајот за напредокот на Македонија на известувачот на Европскиот парламент, бугарскиот европратеник Илхан Ќучук, усвојувајќи притоа и некои од контроверзните амандмани, јави дописничката на МИА од Брисел.

Извештајот го поздравува реформскиот напредок на земјата и инсистира на имплементација на Договорот за добрососедство со Бугарија.

Европратениците ги одобрија спорните амандмани 75б, 79 и 80, за кои предупреди Институтот за европска политика (ЕПИ) дека претставуваат поткопување на основните стандарди вредности на ЕУ.

Амандманот 75б се однесува на историското помирување и „заедничка историја“, со што според ЕПИ, Европскиот парламент го одобрува притисокот што го врши Бугарија за да се толкува историјата на нивен начин.

Амандманот 79, кој исто така е усвоен, се оценува како притисок врз заедничката Комисија за , историски и образовни прашања, која треба да работи независно и без никакви политички притисоци.

Конечно амандманот 80, се коси со проценката на Европската Комисија, бидејќи гласи оти нема напредок во имплементацијата на Договорот за пријателство меѓу земјава и Бугарија од 2017, што не е став на Европската комисија во нејзиниот последен извештај во 2021, предупреди ЕПИ.

Освен тоа неколку европратеници од бугарската националистичката ВМРО – Бугарско национално движење во текот на расправата пред гласањето ја нареко Македонија „геноцидна кон Бугарите“.

Европратеникот Андреј Слабаков дури оцени дека без бараните бугарски промени, членството на Македонија е рамно на „тумор за ЕУ“.

ПОВРЗАНИ ВЕСТИ

Шоле и Ескобар: Време е да се…

Советникот во американскиот Стејт департмент, Дерек Шолe,…

Во Србија објавен Речник на македонски глаголи

 По повод 75-годишнината од универзитетската настава по…

Ковачевски: Добро е што официјална Софија сака…

На ниво на односи помеѓу две страни…

На Таравари му е жал за ВМРО-ДПМНЕ:…

Претседателот на Алијансата за Албанците, Арбен Таравари…

Кремљ го демантира Џонсон: Путин му рекол…

Портпаролот на Кремљ, Дмитриј Песков, денес ги…