Медведев: Литванија би можела да исчезне од картата на светот

Русија ќе мора да реагира ако Литванија ја укине забраната за распоредување нуклеарно оружје во земјата, изјави Дмитриј Медведев, заменик-претседател на Рускиот совет за безбедност.

Тој ѝ се закани на Литванија со „исчезнување од светската мапа“ во случај на конфликт, а Вилнус брзо одговори.

„Ако, не дај Боже, се случи нешто слично и мораме да реагираме на нивните постапки, вклучително и во самата Литванија, никој нема да застане во нивна одбрана“, рече Дмитриј Медведев во видео објавено на „Макс“ (Max).

Забраната за распоредување нуклеарно оружје во Литванија е предвидена во член 137 од Уставот.

Литванскиот парламент, Сејмот, планира до зима да усвои амандман со кој ќе се укине забраната, изјави претседателот на парламентот Јуозас Олекас.

Портпаролот на рускиот претседател, Дмитриј Песков, изјави дека Литванија ќе се најде на нишанот на нуклеарното оружје ако го распореди на своја територија.

Share on Facebook

Tweet

Follow us

Save