Меџити: Чаир е само шеста општина во Скопје според бројот на дивоградби

Градоначалникот на Општина Чаир, Изет Меџити, на денешната прес-конференција наменета за промоција на новиот меѓународен музички фестивал „Чаршија“ истакна дека се решаваат дивоградбите во Чаир.

Во однос на дивоградбите во општината, тој посочи дека според последниот извештај кој неодамна го објави Државниот завод за ревизија, Чаир е само шеста општина во Скопје според бројот на дивоградби и десетта на ниво на Македонија.

-Се работи на дивоградбите, се реши „Али Тобако“, а во процес се и другите. А кога сме кај дивоградбите добро е што има статистички податоци според кои Чаир е шеста општина на ниво на Скопје и десетта на ниво на државата по бројот на дивоградби. Земете информации прво за овие шест, а потоа за Чаир- изјави Меџити одговарајќи на новинарско прашање.

Share on Facebook

Tweet

Follow us

Save