Милановиќ за кандидатските статуси: Ако може за Украина, може и за БиХ
![t](https://infomax.mk/wp-content/uploads/2019/12/zoran-milanovic.jpg)
Претседателот на Хрватска, Зоран Милановиќ го коментираше предлогот на Европската комисија, Украина да добие статус на кандидат за Европската унија.
Милановиќ рече дека ако Украина добие кандидатски статус, тогаш Хрватска мора да го услови тој процес со доделување кандидатски статус на Босна и Херцеговина.
„Ако Украина може да добие статус на кандидат во состојбата во која е сега, и од која сакам да излезе што е можно поскоро, тогаш нултата точка на хрватската надворешна, национална и безбедносна политика треба да биде БиХ да добие статус на кандидат“, рече Милановиќ.
Хрватскиот претседател нагласува дека не се противи на кандидатскиот статус на Украина.
„Во однос на безбедноста и секоја друга смисла, БиХ е во подобра состојба од Украина и нема причина, ниту економска, ниту безбедносна, ниту човечка, БиХ да не го добие тој статус доколку Украина го добие“, рече Милановиќ.
Тој истакна дека БиХ треба да добие кандидатски статус истиот ден со Украина.
„Очекувам дека владата и нејзините претставници, кога станува збор за давање кандидатски статус на Украина, категорично условуваат и БиХ да го добие. Украина е кандидат? Во ред. БиХ кандидат истиот ден“, заклучи Милановиќ.
ПОВРЗАНИ ВЕСТИ
ЕУ исплаќа 4,2 милијарди евра финансиска помош…
Земјите од Европската унија денеска ја одобрија…
Кулеба ќе ги убедува африканските држави да…
Украинскиот министер за надворешни работи, Дмитро Кулеба, ќе…
Данец со камера скриена во пенкало, снимал…
Полицијата во Ровињ спровела кривична истрага и…
Зеленски: Русија минатата недела употребила над 600…
„Руската борбена авијација, со сите средства, мора…
Првите Ф-16 пристигнаа во Украина
Првата серија американски ловци Ф-16 пристигна во…