Мисијата завршена: Воените трупи се повлекуваат од Казахстан, именуван е нов премиер
![t](https://infomax.mk/wp-content/uploads/2022/01/ezgif.com-gif-maker-41.jpg)
Ситуацијата во сите региони на Казахстан е стабилна, за два дена ќе започне повлекувањето на мировниците на ОДКБ од републиката, изјави претседателот на Републиката Касим Јормат Токаев.
„Основната мисија на силите на ОДКБ е завршена, а за два дена ќе започне етапното повлекување на заедничкиот мировен контингент на ОДКБ. Процесот ќе трае најмалку десет дена“, рече претседателот во обраќањето пред парламентот.
Токаев уште еднаш посочи дека неговото обраќање до ОДКБ е легално. Казахстан можеше да ја изгуби контролата над Алма Ата, а со тоа и целата земја, доколку не го стореше тоа.
Тој најави дека ќе се формираат нови единици на Националната гарда, специјалните сили и реформираната Гранична служба.
Претседателот потпиша указ за именување на Алихан Смаилов за нов премиер на Републиката. Меџлисот (долниот дом на парламентот) на Казахстан ја одобри кандидатурата на Смаилов.
Ситуацијата во Казахстан
Жителите на западен Казахстан (градовите Жанаозен и Актау) на 2 јануари масовно излегоа на улиците протестирајќи против двојното зголемување на цената на горивата. Подоцна, демонстрациите ја зафатија земјата. Властите најавија дека ги враќаат цените на бензинот, но ситуацијата се влоши. Избувнаа немири, прогласена е вонредна состојба и повикана ОДКБ.
Претседателот Касим Јомарт Токаев на 5 јануари го смени тогашниот претседател на Советот за безбедност на земјата, Нурсултан Назарбаев и најави дека отсега ќе го води телото и дека се обратил за помош до Организацијата на Договорот за колективна безбедност.
ОДКС одлучи да испрати мировници во Казахстан.
ПОВРЗАНИ ВЕСТИ
„Њујорк Тајмс“: Иран бара од Русија напредни…
Иранската влада побарала од Русија напредни радари…
Кулеба ќе ги убедува африканските држави да…
Украинскиот министер за надворешни работи, Дмитро Кулеба, ќе…
Зеленски: Русија минатата недела употребила над 600…
„Руската борбена авијација, со сите средства, мора…
Сијарто: Прекинот на транзит на нафта од…
Министерот за надворешни работи и надворешни економски…
Русија ќе обезбеди поддршка за Северна Кореја…
Рускиот претседател Владимир Путин денеска му порача…