Објавено на:

НАТО го одби Косово за брзо членство

t

САД ги поздравуваат аспирациите на Косово за членство во НАТО, но апликацијата за членство е сложена и бара долгорочен и внимателен пристап, изјави извор од Стејт департментот за Радио Слободна Европа на албански јазик.

„Косово најдобро може да ја покаже својата подготвеност за одговорностите што ги носи членството во НАТО, со продолжување на активното спроведување на 10-годишниот план за транзиција на Косовските безбедносни сили и не отстапување од него“, пишува Радио слободна Европа цитирајќи извор од Стејт Депарментот.

Одговорот од американскиот Стејт департмент доаѓа откако косовската претседателка, Вјоса Османи, преку писмо од 10 март побара од претседателот на САД, Џо Бајден, да го искористи „лидерството и влијанието, за да го поддржи и активно да го унапреди сложениот процес за членството на Косово во НАТО“.

„Бидејќи ја споделуваме заедничката цел за заштита и унапредување на глобалната безбедност, членството на Косово во НАТО стана неопходно“, вели Османи во писмото во кое што имаше увид Радио Слободна Европа.

Таа рече дека очите на светот сега се насочени кон војната во Украина, но, според неа, „не смееме да заборавиме на кревката ситуација со која се соочуваме на Балканот“.

„Изложени сме на постојаните напори на Русија да го поткопа Косово и да го дестабилизира целиот Западен Балкан“, рече Османи.

Портпаролот на Стејт департментот за Радио Слободна Европа изјави дека САД се посветени на „да му помогнат на Косово да го обезбеди местото што го заслужува заедно со своите соседи во европските и евроатлантските институции“.

„Ние продолжуваме да ги поддржуваме Косовските безбедносни сили бидејќи тие постигнуваат значителен и значаен напредок во нивниот 10-годишен транзициски план, кој беше развиен со поддршка од САД, со цел да се изгради мултиетничка одбранбена сила која „не е способна само да ја заштити територијалната интегритетот на Косово, но и да придонесе за глобалните безбедносни напори надвор од неговите граници“, рече портпаролот.

ПОВРЗАНИ ВЕСТИ

Кичевскиот градоначалник ги критикува СДСМ и ДУИ:…

Покрај низата високи партиски членово и екс-функционери,…

Васало за бугарските клубови и уставните измени:…

Заменик aмбасадорoт во делегација на ЕУ во…

Синдикатот на УКИМ бара за 4 години…

Синдикатот на Универзитетот „Свети Кирил и Методиј“…

(Во живо) Прес-конференција на премиерот Димитар Ковачевски

Следете ја во живо прес-конференцијата на премиерот…

Трагедија: Скопјанец пронајден мртов во стан

На 03.10.2022 во 23.08 часот во Полициска…