Недоволна имунизација во Прилепско – опфатот далеку под потребните 95 проценти

Прилепскиот регион се соочува со недоволен опфат на имунизација, што го зголемува ризикот од појава на епидемии. Додека државниот просек изнесува 62 проценти, потребниот опфат е најмалку 95 проценти. И во Прилепско, иако процентот е нешто повисок, сè уште е недоволен, предупредуваат од Центарот за јавно здравје.

Како главни проблеми се посочуваат недостигот од лекари и медицински сестри, ограниченото работно време на тимовите за вакцинација, како и недоволната информираност на родителите. Кај МРП вакцината, проблемот почесто е во одложувањето, отколку во целосното одбивање.

Епидемиолозите предупредуваат дека потребни се измени во законската регулатива, поголем ангажман на матичните лекари и борба против дезинформациите. Вакцинацијата, велат, не е само одговорност на родителите, туку и заштита на целата заедница.

Share on Facebook

Tweet

Follow us

Save