Не бегам бе, зошто да бегам?: Мијалков со кратка изјава по излегувањето од притвop

t

Поранешниот директор на УБК Сашо Мијалков вечерва излезе од затворот „Скопје” во Шуто Оризари, откако Апелацискиот суд Скопје, како што беше соопштено доцна попладнево, ја прифати жалбата на обвинетиот на определувањето мерка притвор за предметот „Плацови на Водно”.

– Според решението на Апелациониот суд, жалбата на обвинетиот се прифаќа, а првостепеното решение се преиначува така што притворот спрема обвинетиот се укинува и се налужува истиот веднаш да биде пуштен да се брани од слобода. Решението на второстепниот суд во текот на денов ќе биде експедирано до странките во постапката и КПД Затвор – Скопје, соопшти претходно Основниот кривичен суд Скопје.


Мијалков кратко изјавил: „Не бегам бе, зошто да бегам?“, на прашање на новинарите, пред да влезе во автомобилот со кој си заминал.

Портпаролот на Апелација, Татјана Дуковска, за МИА претходно потврди дека Апелацискиот суд во Скопје ја уважил жалбата на одбраната за притвор на поранешниот шеф на УБК, определен во случајот „Плацови на Водно” и го преиначи првостепеното решение.

Дуковска најави дека утре одлуката и целото образложение ќе биде објавено на веб страницата на Апелацискиот суд.

На прашањето дали одлучувал истиот состав на Кривичен совет, како и претходно, таа изјави дека Кривичниот совет во судот е еден совет, со тоа што редовните судии имаат и заменици-судии кога се спречени да постапуваат.

Инаку, претходно адвокатите на Мијалков поднесоа гаранција во имот вреден 11.106.501 евро дека тој нема да избега, за притворот што претходно го имаше во случајот „Трезор” и првостепено е осуден на осум години затвор. Апелација ја прифати гаранцијата и го укина притворот минатата среда, но Обвинителството за гонење организиран криминал и корупција истиот ден побара притвор за случајот „Плацови на Водно” каде тој е еден од обвинетите.

ПОВРЗАНИ ВЕСТИ

Дурловски им порача: Строфата со Јане, Гоце,…

Оперскиот пејач, Игор Дурловски кој беше дел…

Миjaлков и неговите адвokaти позитивни на кopoнавирусот…

Поранешниот директор на Управата за безбедност и…

На Ѓоковиќ му се зakaнува затвор до…

Австралиската влада ја проширила истрагата против Новак…

Приведен разбојник за доиздржување на казна затвор

На 10.01.2022 во 19.10 часот полициски службеници…

Лaжнo oбвинeт зa yбиcтвo: Ослободен после 37…

Ослободен е 61-годишниот Вили Стоукс, кој лежеше…