Нова рунда мировни преговори во Абу Даби – Белата куќа го потврди учеството на Виткоф и Кушнер

Војната во Украина влезе во 1442-риот ден. Украинскиот претседател Володимир Зеленски најавува дека поради масовните руски напади, работата на украинската делегација во Абу Даби ќе биде прилагодена. Русија ќе учествува во истиот состав како и во претходната рунда. Во Емиратите пристигнуваат и специјалниот американски пратеник Стив Виткоф и бизнисменот Џерард Кушнер.

Во меѓувреме Русија ги започна своите масовни напади врз Украина со повеќе од 70 балистички и крстосувачки ракети и 450 дронови за напад – меѓу целите беа енергетските постројки. Најмалку 12 лица беа ранети во ноќните напади во регионите Харков, Сума и Киев и во главниот град.

Термоцентралата Киев Дарница престана со работа, а околу 60 проценти од потрошувачите во Харковскиот регион останаа без електрична енергија. 

Нападите продолжија во текот на целиот ден. Две лица беа убиени, а осум беа ранети во нападот врз Запорожје, додека седум лица беа повредени во Харков кога беше погоден облакодер.

Три лица беа убиени во украински напад врз Нова Каховка во Херсонската област. Белгород беше исто така гранатиран.

Белата куќа соопшти дека претседателот Доналд Трамп не е изненаден од најновиот напад на Русија врз Украина, особено врз енергетските постројки. Двете земји, рече тој, се во војна со години.

Генералниот секретар на НАТО, Марк Руте, се соочи со руските напади за време на неговата посета на Киев. Тој ги повика руските власти да го прекинат масовното гранатирање на украинските цивили.

Претседателот Володимир Зеленски вели дека Москва го прекршила енергетскиот прекин на огнот, поради што работата на украинската делегација на мировните преговори во Абу Даби, кои започнуваат денес, ќе биде прилагодена.

Кремљ потврди дека Русија ќе биде претставена на новата рунда разговори од истата делегација како и на претходната минатиот месец.

Белата куќа потврди дека во Абу Даби ќе бидат и американскиот специјален пратеник Стив Виткоф и бизнисменот Џаред Кушнер.

Францускиот претседател Емануел Макрон објави дека Париз подготвува средба со рускиот лидер Владимир Путин.

Share on Facebook

Tweet

Follow us

Save