Нов Скандал: Шолц и сопругата фрлале доверливи документи во „ обично“ ѓубре

Германскиот канцелар Олаф Шолц и неговата сопруга Брита Ернст, министерка за образование на покраината Бранденбург, фрлиле доверливи документи во „обичното“ ѓубре на нивниот приватен стан, пишува неделникот „Шпигел“.
Тајните документи биле пронајдени расфрлани откако лисици ги искинале вреќите за отпадоци.

Така соседите наводно ги пронашле интерните документи од последниот Самит на Г7.

Дополнително, во корпата за отпадоци на канцеларската двојка биле пронајдени и страници од календарот на првиот човек на германската влада, печатени мејлови, па дури и нацрти за говор, пренесува медиумот.

Најнезгодниот документ што бил фрлен, без претходно да биде уништен, бил документот од Самитот на Г7, кој содржел кратки профили на партнерите.

Во еден од доверливите документи како што пренесува неделникот, за сопругата на италијанскиот премиер во заминување Марио Драги, Марија Серенела Капело, се вели дека ја избегнува јавноста.

Неколку документи беа означени како „VS доверливо“, што е највисок стандард за владините документи. Според системот за класификација, документите мора да останат во просториите на официјални владини згради или да се носат на службени патувања.

Двојката се најде на удар на критики во Германија, особено поради тоа што и двајцата имаат повеќедецениско искуство во политиката и јавниот сервис.

Шолц, кој ја презеде функцијата во декември 2021 година, се соочи со домашни и меѓународни критики во последниве месеци поради ненадејните зголемувања на трошоците за живот, заедно со очигледниот неуспех да ги снабдува украинските војници со тешко оружје и покрај ветувањата за поддршка.

Share on Facebook

Tweet

Follow us

Save