Објавено на:

Одбележување на Денот на македонската полиција – 7 Мај

t

годинава традиционално Министерството за внатрешни работи продолжува заедно со граѓаните да го чествува Денот на македонската полиција – 7 Мај. По тој повод денеска централната манифестација за одбележување на празникот ќе се одржи на сцената на Долни Сарај, Охрид.

На манифестацијата, на која ќе присуствуваат членови на Владата, како и министри за внатрешни работи и директори на полиции од европските држави, претставници на дипломатскиот кор и други високи гости, ќе се обратат министерот за внатрешни работи Оливер Спасовски и претседателот на ИНТЕРПОЛ, генерал мајор Ахмед Насер Ал-Раиси.

Како што е најавено, во кругот на Министерството за внатрешни работи, ќе биде положено цвеќе пред Споменикот на загинатите припадници на МВР од страна на министерот Спасовски, државниот секретар при МВР Магдалена Несторовска, директорот на Бирото за јавна безбедност Сашо Тасевски и заменик директорот на БЈБ Ариф Асани, Здружението на бранителите, семејствата на загинатите припадници на МВР и претставници на Македонскиот полициски синдикат.

По повод 7 Мај – Денот на македонската полиција министерот Спасовски упати честитка до припадниците на македонската полиција, вработените во МВР, истакнувајќи дека нема ништо поблагородно од тоа што тие се на браникот на државната сувереност, на сигурноста на граѓаните, гарантирајќи мир и безбедност за секого.

-Почитувани колеги, вие сте симболот на довербата во институциите. Токму полициската униформа влева чувство на сигурност, на спокоен живот. Вие сте првиот пријател на граѓанинот, кога станува збор за одржување на јавниот ред и мир, за безбедноста во сообраќајот, за имотни деликти, спасувачка мисија или некоја покомплексна оперативна акција, како што се оние за сузбивање на недозволена трговија со дрога и оружје, илегална миграција или пресметка со организирана криминална група… За сите овие активности влогот е енормен, бидејќи често знаат да бидат и многу ризични, истакна Спасовски во видео честитка, потсетувајќи и на полициските службеници кои го положија својот живот борејќи се за безбедноста на граѓаните.

Македонската полиција, посочи, е на граѓаните и бескомпромисна по прашање на криминалот.

Содржината продолжува после огласот

Луѓето со болки во колената и бутовите треба да да го прочитаат
Sponsored by MonadPlug
-Нејзината ефективност од година во година расте, а со тоа расте и довербата во институцијата. А, за тоа говорат резултатите. Република Македонија е најбезбедна земја на Западен Балкан, во друштво на 36-те најбезбедни земји во светот. 2022 година ја завршивме со најдобри резултати во последните 30 години! Тоа се наши заеднички резултати!, рече Спасовски.

Според него, креирана е силна и задоволна полиција за безбедни и спокојни граѓани.

-Со речиси 80 реновирани објекти низ државата, со нови униформи и опрема, пет исплатени бонус плати, за скоро време и 6-та бонус плата, во четири наврати зголемени плати од 2017 година па наваму, поттикнавме ефикасна оперативна работа на терен со што го намаливме криминалитетот. И не отстапуваме од нашата агенда со цел уште подобри резултати и уште поголема безбедност!, наведе Спасовски.

ПОВРЗАНИ ВЕСТИ

„Такер Карлсон беше во право“: Уште во…

Предупредувањето на новинарот Такер Карлсон за можен…

Армијата се вклучи во гаснењето на пожарот…

Откако Владата прогласи кризна состојба, претседателката и…

Мицкоски го осуди атентатот, но му го…

И премиерот Мицкоски го осуди обидот за…

Видео од атентаторот на Трамп: Ги мразам…

На социјалните мрежи се појави видео од…

И Кавадарци помага во гаснењето на пожарот…

На координацијата на Градоначалникот на Кавадарци, Митко…