Петков го oдби барањето на Русија, НАТО нeма да се повлече од Бугарија

t

Новиот бугарски премиер го одби барањето на Русија, НАТО да се повлече од Бугарија. Петков беше повикан во Парламентот од страна на ГЕРБ, да се изјасни за барањето на Русија за повлекување на силите на НАТО од сите земји кои не биле членки на Алијансата во периодот пред 1997 година, што ги вклучува земјите од Централна и Источна Европа,меѓу кои се и Романија и Бугарија.

Петков ја повика Руската федерација да остане ангажирана во дијалогот за деескалација на тензиите и да работи за посигурна Европа. Рече и дека, Вашингтонскиот договор не предвидува втора категорија држави-членки, за кои колективната одбрана би се употребувала по потреба и во ограничен обем.

Ова се случува откако руското министерство за надворешни работи побара НАТО да се врати на конфигурацијата од 1997-та година. Министерот Сергеј Лавров изјави дека, безбедносните гаранции што Русија ги бара од Запад за повлекување странски војници, оружје и опрема важат и за Бугарија и Романија.

Двете други клучни прашања коишто Русија ги бара од НАТО и САД се: откажување од распоредувањето на ударни системи во непосредна близина на границата со Русија и запирање на натамошното проширување на НАТО кон истокот.

На ова, американскиот државен секретар, Антони Блинкен, уште на 13 јануари изјави дека вратата на НАТО за прием на нови земји-членки и понатаму ќе биде отворена.Воедно, членките на НАТО на средбата на Советот НАТО-Русија ги офрлија барањата на Москва и го повторија нивниот став дека членството во НАТО е суверена одлука на секоја независна држава и Русија нема право на вето.

ПОВРЗАНИ ВЕСТИ

Активни се пожарите во Чашка, Велес, на…

РЦУК Велес, известува дека шумски пожар на…

Нема Влада во Бугарија ни со вториот…

Веднаш ќе го вратиме мандатот на претседателот…

Ќучук: Северна Македонија мора да го спроведе…

Шенген, проширувањето и владеење на правото –…

(Фото) Ова е хеликоптерот што Србија ни…

Припадниците на хеликоптерската единица и Министерството за…

Венс: Ако победи Трамп ќе преговара со…

Доколку Доналд Трамп победи на изборите, ќе…