Петков го oдби барањето на Русија, НАТО нeма да се повлече од Бугарија

t

Новиот бугарски премиер го одби барањето на Русија, НАТО да се повлече од Бугарија. Петков беше повикан во Парламентот од страна на ГЕРБ, да се изјасни за барањето на Русија за повлекување на силите на НАТО од сите земји кои не биле членки на Алијансата во периодот пред 1997 година, што ги вклучува земјите од Централна и Источна Европа,меѓу кои се и Романија и Бугарија.

Петков ја повика Руската федерација да остане ангажирана во дијалогот за деескалација на тензиите и да работи за посигурна Европа. Рече и дека, Вашингтонскиот договор не предвидува втора категорија држави-членки, за кои колективната одбрана би се употребувала по потреба и во ограничен обем.

Ова се случува откако руското министерство за надворешни работи побара НАТО да се врати на конфигурацијата од 1997-та година. Министерот Сергеј Лавров изјави дека, безбедносните гаранции што Русија ги бара од Запад за повлекување странски војници, оружје и опрема важат и за Бугарија и Романија.

Двете други клучни прашања коишто Русија ги бара од НАТО и САД се: откажување од распоредувањето на ударни системи во непосредна близина на границата со Русија и запирање на натамошното проширување на НАТО кон истокот.

На ова, американскиот државен секретар, Антони Блинкен, уште на 13 јануари изјави дека вратата на НАТО за прием на нови земји-членки и понатаму ќе биде отворена.Воедно, членките на НАТО на средбата на Советот НАТО-Русија ги офрлија барањата на Москва и го повторија нивниот став дека членството во НАТО е суверена одлука на секоја независна држава и Русија нема право на вето.

ПОВРЗАНИ ВЕСТИ

Груевски со нов нокаут за Бугарија –…

Поранешниот премиер Никола Груевски продолжува со серијалот…

Патријархот на РПЦ Кирил „Злото“ ѝ се…

Не може да има „пасивен став“ кога…

Шефот на украинската безбедност го критикува военото…

Алексеј Данилов вели дека ситуацијата е тешка…

(Видео) Путин пушти во употреба две нуклеарни…

Рускиот претседател Владимир Путин пушти во употреба…

Захарова: Бугарија долго време е на патот…

„Денеска властите во Софија преминаа на практично…