Познати заклучоците на германскиот извештај за модуларната болница, еве што била причината за пожарот
![t](https://infomax.mk/wp-content/uploads/2021/09/pozar_modularna_bolnica_tetovo_kovid_centar_2.jpg)
Tетовското Oбвинителство денеска го доби преводот на извештајот на германските експерти за катастрофалниот пожар во модуларната болница во Тетово на 8 септември минатата година, во кој загинаа 14 луѓе.
Според информации на Алсат од извори во Обвинителството, германските експерти во извештајот наведуваат дека можна причина за ширењето на пожарот во монтажниот објект е продолжениот кабел на кој бил приклучен медицински апарат за лекување на пациенти.
До сличен заклучок дојдоа и нашите истражители во истрагата која ја спроведоа во неделите по трагедијата.
Според Обвинителството, извештајот е доставен на анализа на петмина обвинители вклучени во истрагата за случајот, кои, откако ќе го анализираат, ќе утврдат дали од него ќе произлезе правно мислење за отворање нови истраги, или ќе продолжи со истите истраги што домашните обвинители ги водеа досега. Состанокот на обвинителите се очекува да се одржи во рок од една недела, по што ќе бидат донесени заклучоците.
Од тетовското Обвинителство не соопштуваат повеќе детали за содржината на преведениот извештај, со образложение дека тој е исклучително важен дел од истрагата за случајот и дека од него може да произлезат нови истраги.
Во пожарот кој избувна на 8 септември загинаа 14 лица, од кои 12 беа пациенти и двајца членови на семејство кои се грижеле за пациенти заразени со Ковид.
ПОВРЗАНИ ВЕСТИ
Детали за пожарите низ Македонија: Гори речиси…
Регионалниот ЦУК Битола, известува дека на Плакенска…
Општина Тетово двојно ги зголеми даноците на…
Зголемувањето на даноците на имот од страна…
Триесетгодишен маж од Тетово обвинет за силување
Основното јавно обвинителство Тетово соопшти дека донело…
Велешанец запалил стари седишта од автомобил и…
Основното јавно обвинителство Велес поднесе Обвинителен предлог…
Активни се пожарите во Чашка, Велес, на…
РЦУК Велес, известува дека шумски пожар на…