Полска бара воени репарации од Германија за Втората светска војна! Слично барање ќе ѝ биде упатено и на Русија?
![t](https://infomax.mk/wp-content/uploads/2022/12/677z381_ddds-639f755b34206.jpg)
Полските власти најдоа начин да обезбедат дополнителни финансиски средства за секојдневниот живот во овие економски тешки времиња предизвикани, меѓу другото, и од војната во Украина. Тие побараа од Германија да им плати воени репарации од Втората светска војна. Сумата не е мала, вкупно околу 1,3 трилиони евра. Како што наведуваат, слично барање би можело да биде проследено и до Русија, иако во многу помал обем.
Збигњев Рау, министерот за надворешни работи на Полска, неодамна испрати официјална нота до Берлин со барање за исплата на штетите предизвикани на неговата земја за време на германската окупација од 1939-1945 година. Како што наведе, со ова барање треба да се решат прашањата поврзани со уништените уметнички дела, архиви и банкарски депозити.
„Берлин со сите средства треба да ги запознае граѓаните на Германија со вистинската слика на Втората светска војна и со разорните ефекти што таа ги имаше врз Полска“, рече тој, додавајќи дека исплатата на репарации само ќе придонесе за пријателските односи меѓу двете земји.
Да потсетиме дека репарациите се компензација за штета предизвикана од војна и други непријателски дејствија. Со мировните договори по завршувањето на Првата и Втората светска војна, поразените држави беа обврзани да им ја надоместат штетата на земјите победници од борбеното уништување. Пари, стоки, индустриски постројки или предмети. Тоа е официјалното толкување.
Меѓутоа, проблемот е што штетата направена на „победникот“ во време на модерни војни, како што се споменатите две од минатиот век, е далеку помала од штетата направена на „губитникот“, кој едноставно не можел да надомести за таа штета. Конкретно, уништената Полска не можеше да очекува исплата на репарации од исто толку уништената Германија. Така беше. На крајот, поради новата конфигурација на Европа, приказната за репарации отиде во втор план. Полјаците сепак не ја заборавија, објаснуваат од Полска.
ПОВРЗАНИ ВЕСТИ
Германија ги повика своите граѓани или да…
Германското Министерство за надворешни работи повторно ги…
Се урна хотел во Германија: Едно лице…
Едно лице е пронајдено мртво, а осум…
Полска започна операција на границата со Белорусија
Полска ја започна операцијата „Безбедна подласие“ на…
Татко и син учествувале во нелегални трки,…
Двајца мажи, за кои се верува дека…
Полска бара земјите од ЕУ да ја…
Полскиот министер за надворешни работи Радослав Сикорски…